Nga prefektura e Beratit ku është mbajtur mbledhja e grupit të punës për planin e masave për mbarëvajtjen e pelegrinazhit të përvitshëm në malin e Tomorrit, ministri i Turizmit dhe Mjedisit, Blendi Klosi u kërkoi institucioneve vendore shërbim të shtuar, ditë të qeta dhe të sigurta për çdo pelegrin.
Në takim ishin të pranishëm prefektja dhe kryetarët e bashkive të qarkut. Ministri Klosi theksoi se ky plan i ri masash synon përfshirjen e të treja bashkive Berat, Çorovodë dhe Polican që do të ndihmojnë me infrastrukturën e nevojshme për mbarëvajtjen dhe mirëadministrimin e festës. “
Do të jenë ditë kur i gjithë qarku i Beratit të tregojë më të mirën e tij, mikpritjen dhe po ashtu pastërtinë dhe dëshirën që kjo festë të jetë shumë e mirëadministruar”- tha ministri Klosi duke shtuar se për të siguruar shërbim sa më të mirë dhe ditë të qeta do të jenë të angazhuara të gjitha forcat e rendit, Inspektoriati i Higjenës dhe Inspektoriati i Mjedisit, Drejtoria Rajonale e Shëndetësisë dhe të gjitha institucionet lokale.
Në fund të takimit grupi i punës miratoi planin i detajuar i masave, për organizimin dhe mbarëvajtjen e Pelegrinazhit që fillon javën e ardhshme. Pelegrinazhi në malin e Tomorrit është një nga ngjarjet më të shënuara për qarkun e Beratit. Cdo vit mijëra pelegrinë vizitojnë Kulmakun për të kryer ritualin.
Për herë të parë këtë vit, nën drejtimin e ministrit Klosi është përgatitur një plan masash me qëllim koordinimin e të gjitha institucioneve vendore në funksion të mirëadministrimit të kësaj festet që sjell mijëra pelegrinë në qarkun e Beratit.
Ditët e pelegrinazhit do të shërbejnë gjithashtu për të mbledhur firmat për mbrojtjen e Malit të Tomorrit, Park Kombëtar. Peticioni ka nisur prej ditës së parë të protestës së banorëve ndaj vendimit të gjykatës që u jepte të drejtë guroreve që të vazhdonin aktivitetin e tyre dhe po firmoset nga qindra mijëra banorë por edhe turistë të huaj që vizitojnë Beratin.
Hapet sot ekspozita me fotografi nga gjenocidi në Srebrenicë
Rreth 25 milionë amerikanë hedhin votën në shtetet e pavendo...
Parashikimi i motit për sot në Shqipëri
Sindikata e Re e KEK-ut mban sot protestë
Vazhdon procesi gjyqësor ndaj ish-krerëve të UÇK-së
Kuvendi sot me seancë të jashtëzakonshme, diskutohet për ska...